ବାଲେଶ୍ୱର: ଛତିଶଗଡ଼ ବିସ୍ଫୋରଣରେ ଓଡ଼ିଆ ଯବାନ ସହିଦ l ଛତିଶଗଡ଼ରେ ମତଦାନ ବେଳେ ହୋଇଥିଲା ମାଓବାଦୀଙ୍କ IED ବିସ୍ଫୋରଣ । ସହିଦ ଯବାନ ଜଣକ ବାହାନଗା ବ୍ଲକ ଅନ୍ତର୍ଗତ ଗୋପାଳପୁର ଥାନା ଗୋପାଳପୁର ଗ୍ରାମର କରୁଣା କର ଶିଅଳଙ୍କ ପୁଅ ପ୍ରକାଶ ଚନ୍ଦ୍ର ଶିଅଳ l ନିର୍ବାଚନୀ ଡ୍ୟୁଟିରେ ମୁତୟନ ଥିଲେ ଜଣେ ଓଡ଼ିଆ ଯବାନ । ସୁକମା ଜିଲ୍ଲା ତୋଣ୍ଡମାରକା କ୍ୟାମ୍ପରେ ପାଟ୍ରୋଲିଂ ବେଳେ ବିସ୍ଫୋରଣ ହୋଇଥିଲା । ସେପଟେ ଯବାନ ପୁଅର ମୃତ୍ୟୁ ଖବର ପାଇ ପରିବାରଠୁ ଆରମ୍ଭ କରି ଗାଁରେ ଶୋକାକୂଳ ପରିବେଶ ଦେଖିବାକୁ ମିଳିଛି ।

ଛତିଶଗଡ ବିଧାନଭା ନିର୍ବାଚନ, ପ୍ରଥମ ପର୍ଯ୍ୟାୟରେ ୨୦ ଆସନରେ ହେବ ଭୋଟ୍

ସୂଚନାଯୋଗ୍ୟ, ମଙ୍ଗଳବାର ଛତିଶଗଡରେ 20 ଆସନ ପାଇଁ ହୋଇଛି ମତଦାନ । 223 ଜଣ ପ୍ରାର୍ଥୀଙ୍କ ଭାଗ୍ୟ ଏଭିଏମରେ ସିଲ୍ ହୋଇଛି । ନକ୍ସଲ ପ୍ରବଣ ୧୦ଟି ଆସନରେ ସକାଳ ୭ଟାରୁ ଦିନ ୩ଟା ଯାଏଁ ମତଦାନ ହୋଇଥିଲା, ବାକି ଆସନରେ ସକାଳ ୭ଟାରୁ ଅପରାହ୍ନ ୫ ଟା ଯାଏଁ ମତଦାନ ହୋଇଥିବା ନେଇ ସୂଚନା ରହିଛି । ନକ୍ସଲ ପ୍ରବଣ 10 ଆସନରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିବା ସତ୍ତ୍ୱେ ଏଭଳି ଏକ ଅଘଟଣ ଘଟିଯାଇଛି । ସେପଟେ ୭୦ ଆସନ ପାଇଁ ଆସନ୍ତା ୧୭ ତାରିଖରେ ଭୋଟ ଗ୍ରହଣ କରାଯିବ ଓ ଡିସେମ୍ବର ୩ ତାରିଖରେ ଭୋଟ ଗଣତି ହେବ ।

Argus English | argus english | Odisha Latest News, Breaking News, Trending News, Live TV