ଅର୍ଗସ ବ୍ୟୁରୋ:  ଦେଶର ରାଜଧାନୀରେ ଥଣ୍ଡାର ଥାର୍ଡ ଡିଗ୍ରୀ । ଖସୁଛି ପାରଦ ବଢୁଛି ଶୀତ । ରକ୍ତ ଜମାଇ ଦେଲା ଭଳି ଥଣ୍ଡାରେ ଥରୁଛନ୍ତି ପୂରା ଦିଲ୍ଲୀବାସୀ । ସେପଟେ ଭୟଙ୍କର ଶୀତ ସାଙ୍ଗକୁ ଘନ କୁହୁଡ଼ି ପାଇଁ ଦେଖା ଯାଉନି ରାସ୍ତାଘାଟ । ଦିନ ୧୧ଟା ଯାଏ ରାସ୍ତାକୁ ବାହାରିବା ମଧ୍ୟ ମୁସ୍କିଲ ହୋଇପଡୁଛି । ଏଭଳି ସ୍ଥିତିରେ ସ୍କୁଲ ଛୁଟିକୁ ବୃଦ୍ଧି କରାଯାଇଛି । ପଞ୍ଚମ ଶ୍ରେଣି ଯାଏ ଛାତ୍ରଛାତ୍ରୀଙ୍କ ପାଇଁ ସ୍କୁଲକୁ ଆହୁରି ୫ ଦିନ ଯାଏ ଛୁଟି ଘୋଷଣା କରାଯାଇଛି ।

ଷଷ୍ଠରୁ ଦଶମ ଶ୍ରେଣୀ ଯାଏ ଛାତ୍ରଛାତ୍ରୀଙ୍କ ପାଇଁ ୧୦ ତାରିଖ ଯାଏ ସ୍କୁଲ ଛୁଟି ରହିଛି । ପ୍ରବଳ ଥଣ୍ଡାକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯାଇଛି । ଦିଲ୍ଲୀରେ ଏବେ ପାରଦ ୮ ଡିଗ୍ରୀ ତଳେ ରହୁଥିବା ବେଳେ ଘରୁ ବାହାରକୁ ବାହାରିବା ମଧ୍ୟ ମୁସ୍କିଲ ହୋଇପଡୁଛି । ଆହୁରି କିଛି ଦିନ ଏଭଳି ସ୍ଥିତି ରହିବ ବୋଲି ଆକଳନ କରିଛି ପାଣିପାଗ ବିଭାଗ ।

ଅଧିକ ପଢ଼ନ୍ତୁ ଦେଶ ଖବର: