ଅର୍ଗସ ବ୍ୟୁରୋ: ଚା' ବନେଇଲେ ସ୍ମୃତି ଇରାନୀ । ନିଜ ହାତରେ ଚା ତିଆରି କରି କର୍ମକର୍ତ୍ତାଙ୍କୁ ପିଇବାକୁ ଦେଲେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ଛତିଶଗଡ ବସ୍ତର ଜିଲ୍ଲାରେ । 

ଆସନ୍ତା ୭ ତାରିଖରେ ଛତିଶଗଡ ପ୍ରଥମ ପର୍ଯ୍ୟାୟ ନିର୍ବାଚନ  । ତା ପୂର୍ବରୁ ରାଜ୍ୟରେ ସୁରକ୍ଷାକୁ କଡାକଡି କରିଛି ପ୍ରଶାସନ  । ମାଓ ଗତିବିଧି ଉପରେ କଡ଼ା ନଜର ରଖାଯାଇଛି  । ବିଭିନ୍ନ ସ୍ଥାନରେ ଯବାନଙ୍କ ପକ୍ଷରୁ କମ୍ବିଂ ଅପରେସନ୍ ଜାରି ରହିଛି  ।  ଏହାରି ଭିତରେ ନିର୍ବାଚନୀ ପ୍ରଚାରରେ ଯୋଗ ଦେବାକୁ ଯାଇଥିଲେ କେନ୍ଦ୍ରମନ୍ତ୍ରୀ ସ୍ମୃତିଇରାନୀ । ବିଜେପି କର୍ମକର୍ତ୍ତାଙ୍କ ସହ କେନ୍ଦ୍ରମନ୍ତ୍ରୀ କେଶକାଲ ରୁ କୋଣ୍ଡାଗାଓଁ ସ୍କୁଟି ଚଲାଇ ପ୍ରଚାର କରୁଥିବା ଦେଖିବାକୁ ମିଳିଥିଲା । 

ଏହି ସମୟରେ କେନ୍ଦ୍ରମନ୍ତ୍ରୀ କୋଣ୍ଡାଗାଓଁରେ କର୍ମକର୍ତ୍ତାଙ୍କୁ ନିଜ ହାତରେ ଚା' ବନାଇ ପିଇବାକୁ ଦେଇଥିଲେ । ଯେଉଁଥିରେ କର୍ମକର୍ତ୍ତାମାନେ ବହୁତ ଖୁସି ହୋଇଥିବା ସହ ତାଙ୍କ ସହ ଫଟୋ ଭିଡିଓ ଉଠାଉଥିବା ଦେଖିବାକୁ ମିଳିଥିଲା । 

ଛତିଶଗଡ଼ରେ ଦୁଇଟି ପର୍ଯ୍ୟାୟରେ ନିର୍ବାଚନ ହେବ । ଆସନ୍ତା ୭ରେ ପ୍ରଥମ ପର୍ଯ୍ୟାୟ ଏବଂ ୧୭ରେ ଦ୍ବିତୀୟ ପର୍ଯ୍ୟାୟ ମତଦାନ ହେବ । ପ୍ରଥମ ପର୍ଯ୍ୟାୟରେ ୨୦ଟି  ଆସନ ଲାଗି ପଡିବ ଭୋଟ ।

ଯୋଗୀ ସରକାରଙ୍କ ବଡ ନିଷ୍ପତ୍ତି, ୧୪ ଲକ୍ଷରୁ ଅଧିକ କର୍ମଚାରୀ ହେବେ ଲାଭବାନ