ଅର୍ଗସ ବ୍ୟୁରୋ : ୨୨ ଜାନୁଆରୀରେ ଅଯୋଧ୍ୟାର ରାମ ମନ୍ଦିରରେ ରାମଲଲାଙ୍କ ପ୍ରାଣ ପ୍ରତିଷ୍ଠା ହେବାକୁ ଯାଉଛି । ଏହାର ପ୍ରସ୍ତୁତି ଜୋରସୋରରେ ଚାଲିଛି । ପ୍ରାଣ ପ୍ରତିଷ୍ଠା ବିଷୟରେ ଦେଶର ବିଭିନ୍ନ ସ୍ଥାନରୁ ବହୁତ ଉତ୍ସାହ ରହିଛି । ଏହି ସମୟରେ ଅନେକ ରାଜ୍ୟରେ ସ୍କୁଲ ବନ୍ଦ ଘୋଷଣା କରାଯାଇଛି । ଏହା ବ୍ୟତୀତ ଅନେକ ରାଜ୍ୟ ମଦ ଦୋକାନ ଖୋଲିବାକୁ ମଧ୍ୟ ବାରଣ କରିଛନ୍ତି । 

ଅଧିକ ପଢନ୍ତୁ ଭାରତ ଖବର

ଉତ୍ତର ପ୍ରଦେଶରେ ଏହି ଅବସରରେ ବିଭିନ୍ନ ଶିକ୍ଷାନୁଷ୍ଠାନ ଏବଂ ସରକାରୀ କାର୍ଯ୍ୟାଳୟକୁ ଛୁଟି ଘୋଷଣା କରାଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜନ ସାଧାରାଣଙ୍କୁ ଦୀପାବଳି ଭଳି ଖୁସି ମନାଇବାକୁ ନିବେଦନ କରିଛନ୍ତି । ଉତ୍ତର ପ୍ରଦେଶ ସରକାର ମଧ୍ୟ ଜାନୁଆରୀ ୨୨ରେ ରାଜ୍ୟରେ ମାଦକ ଦ୍ରବ୍ୟ ବିକ୍ରୟ ଉପରେ ପ୍ରତିବନ୍ଧକ ଲଗାଇଛନ୍ତି। ମଦ ସହ ମାଂସ ଦୋକାନ ମଧ୍ୟ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ।