ଅର୍ଗସ ବ୍ୟୁରୋ : ମନ୍ଦିର  ପରିକ୍ରମା କରୁଛି କୁକୁର । ଘଂଟାଏ କି ଦୁଇଘଂଟାଏ ପାଇଁ ନୁହେଁ ବରଂ ୨୪ ଘଂଟା ପାଇଁ । ଯଦି ଭିଡ ଦେଖୁଛି, ତେବେ ଚୁପ ରହୁଛି । କଥାଟା ଆଶ୍ଚର୍ଯ୍ୟ ଲାଗିଲେ ବି ସତ ।  କୁକୁରଟି ଥରେ କି ଦୁଇଥର ନୁହେଁ ବରଂ ଦିନରାତି ଅନବରତ ପରିକ୍ରମା କରୁଛି ମନ୍ଦିର । ଯାହାକୁ ନେଇ ସ୍ଥାନୀୟ ଅଂଚଳରେ ବି ଚର୍ଚ୍ଚା । ହେଲେ କାରଣ ଖୋଜିପାଉନାହାନ୍ତି କେହି... ବିହାରର ଗୟାରେ ମଙ୍ଗଳେଶ୍ବର ମହାଦେବ ମନ୍ଦିରର ଏହି କୁକୁର ଏବେ ଚର୍ଚ୍ଚାରେ ।

ଏହି ମନ୍ଦିର ପରିସରରେ ଥିବା ଏକ କୁକୁର ଦୀର୍ଘ ଏକମାସ ହେବ ମନ୍ଦିର ଚତୁଃପାର୍ଶ୍ବରେ ପରିକ୍ରମା କରୁଛି । ପ୍ରଥମେ ମନ୍ଦିର ପରିସରର ପୂଜାରୀ ଏଥିପ୍ରତି ଧ୍ୟାନ ଦେଇନଥିଲେ । ସେମାନେ ଭାବିଥିଲେ କୁକୁର ଖାଦ୍ୟ ସନ୍ଧାନରେ ଏପରି ବୁଲୁଛି । ହେଲେ ଦିନେ କି ଦୁଇଦିନ ନୁହେଁ, ଦୀର୍ଘ ଏକାମାସ ହେବ ଏପରି ମନ୍ଦିର ପରିକ୍ରମା କରୁଥିଲା ଏହି କୁକୁରଟି। 

ଏହି କୁକୁରକୁ ଦେଖିବାକୁ ଅନେକ ସ୍ଥାନରୁ ଲୋକଙ୍କ ଭିଡ ଜମିଛି । କୁକୁର ଉପରେ ସତ୍ୟାସତ୍ୟ ଜାଣିବା ପାଇଁ ମନ୍ଦିର ଦର୍ଶନରେ ଆସିଥିବା ଅନେକ ଭକ୍ତ କୁକୁରକୁ ଦେଖି ଭିଡିଓ କରୁଛନ୍ତି । ସେଠାରେ କୁକୁରକୁ ଦେଖିବା ପରେ ହିଁ ସେମାନେ ବିଶ୍ବାସ କରୁଛନ୍ତି । କୁକୁରଟି ଏପରି ପରିକ୍ରମା ସେଠାରେ ଚର୍ଚ୍ଚାର ବିଷୟ ପାଲଟିଛି ।