ଅର୍ଗସ ବ୍ୟୁରୋ : ସମ୍ଭାଳି ରଖନ୍ତୁ ଗୋବର । କାରଣ ଗୋବର ଇନ୍ଧନରେ ବି ଉଡିପାରେ ରକେଟ। ‘ଜିରୋ’ ରକେଟ୍‌ ନିମନ୍ତେ ‘ହୋକାଇଡୋ ସ୍ପେସ୍‌ପୋର୍ଟ’ରେ ଜାପାନର ମହାକାଶ କମ୍ପାନି ‘ଇଣ୍ଟର୍‌ଷ୍ଟେଲାର୍‌ ଟେକ୍ନୋଲୋଜିସ୍’ର ଇଞ୍ଜିନିୟର୍‌ମାନେ ଗୋବର ଗ୍ୟାସ୍‌ଦ୍ବାରା ଚାଳିତ ଏକ ରକେଟ୍‌ ଇଞ୍ଜିନ୍‌ର ସଫଳ ପରୀକ୍ଷା କରିଛନ୍ତି । 

ଅଧିକ ପଢନ୍ତୁ ବିଦେଶ ଖବର

୧୦ ସେକେଣ୍ଡ୍‌ର ଏହି ପରୀକ୍ଷଣ ସମୟର ଭିଡିଓ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।  ଭିଡିଓରେ ଦେଖାଯାଉଛି ପରୀକ୍ଷା କରାଯାଉଥିବା ଇଞ୍ଜିନରୁ ଶକ୍ତିଶାଳୀ ନୀଳ ରଙ୍ଗର ଅଗ୍ନିଶିଖା ବାହାରୁଛି । ହୋକାଇଡୋ ଡେରି ଫାର୍ମରୁ ସଂଗୃହୀତ ଗାଈ ଗୋବରରୁ  ତରଳ ‘ବାୟୋମିଥେନ୍‌’ଗ୍ୟାସ୍‌ ପ୍ରସ୍ତୁତ କରାଯାଇ ତାହାକୁ ରକେଟ୍‌ର ଇନ୍ଧନ ଭାବେ ବ୍ୟବହାର କରାଯାଇଥିଲା । ଏହା ମହାକାଶ ଅନ୍ବେଷଣ କ୍ଷେତ୍ରରେ ନୂତନ ସମ୍ଭାବନା ଉନ୍ମୁକ୍ତ କରିଛି ବୋଲି ବୈଜ୍ଞାନିକମାନେ କହୁଛନ୍ତି ।