ଅର୍ଗସ ବ୍ୟୁରୋ :  ପରିବାର ଦିନେ ଯାହାକୁ ଅଶୁଭ ବୋଲି କହୁଥିଲା, ଆଜି ପ୍ରତିଟି ମଙ୍ଗଳକାମରେ ତାଙ୍କୁ ଲୋଡା ଯାଉଛି । ଜନ୍ମରୁ ସେ ଦୁନିଆ ଦେଖିନାହାନ୍ତି ସତ କିନ୍ତୁ ମର୍ଯାଦା ପୁରୁଷ ଶ୍ରୀରାମଙ୍କ ଦର୍ଶନ କରି ଚର୍ମଚକ୍ଷୁକୁ କରିଛନ୍ତି ପବିତ୍ର । ମହାନ ସେ ଜଗଦଗୁରୁ, ମହାନ ତାଙ୍କର ଭକ୍ତି । କଳିଯୁଗରେ ଜନ୍ମ ପାଇ ବି ଭଗବାନଙ୍କ ଦର୍ଶନ କରି ପାଇଛନ୍ତି ଅପାର କରୁଣା । ଯାହାଙ୍କୁ ନେଇ ଏବେ କେବଳ ଭାରତ ନୁହେଁ ବରଂ ପୂରା ବିଶ୍ଵରେ ଚର୍ଚ୍ଚା । ଉତ୍ତରପ୍ରଦେଶରେ ରହୁଥିବା ଏହି ମହାନ୍ ସନ୍ଥ ହେଉଛନ୍ତି ଜଗଦଗୁରୁ ରାମଭଦ୍ରାଚାର୍ଯ୍ୟ । ମାତ୍ର ୨ ମାସରୁ ନିଜର ଦୃଷ୍ଟିଶକ୍ତି ହରାଇ ବସିଥିଲେ । ଛୋଟବେଳେ ତାଙ୍କୁ ତାଙ୍କ ପରିବାରରେ ଗିରିଧର ବୋଲି ଡାକୁଥିଲେ । ମାତ୍ର ୭ ବର୍ଷ ବୟସରେ ସେ ୬୦ ଦିନରେ ରାମାୟଣ ପଢି ଶେଷ କରିଥିଲେ । ଏହାପରେ ସେ ବେଦ ଉପନିଷେଦ, ଭାଗବତ ସବୁ ପଢି ଶେଷ କରିଦେଇଥିଲେ । ପିଲାବେଳୁ ନିଜ ଜେଜେବାପାଙ୍କ ପାଖରୁ ସେ ଗୀତା ଭାଗବତ ଉପରେ ବହୁତ ଶୁଣୁଥିଲେ । ଯେଉଁଥିପାଇଁ ଏସବୁ ପଢିୂବାକୁ ଆଗ୍ରହୀ ଥିଲେ ଗିରିଧର । ଏହାପରେ ସେ ସଂସ୍କୃତ ବ୍ୟାକରଣରେ ଡିଗ୍ରୀ ହାସଲ କରିଥିଲେ । ଡିଗ୍ରୀ ଶେଷ ହେବାପରେ ବୈଷ୍ଣବ ଧର୍ମର ଦୀକ୍ଷା ନେଇ ଆଜୀବନ ବ୍ରହ୍ମଚାରୀ ହେବାର ନିଷ୍ପତ୍ତି ନେଇଥିଲେ ରାମଭଦ୍ରାଚାର୍ଯ୍ୟ ।

ଏହାପରେ ସେ ଚିତ୍ରକୂଟର ତୁଳସୀଦାସ ଆଶ୍ରମରେ ରହିଥିଲେ । ଏବଂ ତାଙ୍କୁ ଜଗତଗୁରୁ ରାମଭଦ୍ରାଚାର୍ଯ୍ୟ ରୁପେ ଆଖ୍ୟା ଦିଆଯାଇଥିଲା । ସେ ନିଜ ଆତ୍ମଜୀବନିରେ ଲେଖିଥିଲେ, ଛୋଟ ଥିବାବେଳେ ତାଙ୍କୁ ତାଙ୍କ ପରିବାରରେ ବାହାଘରରେ ଯିବାପାଇଁ ଅଶୁଭ କହି ମନା କରୁଥିଲେ । ହେଲେ ଏବେ ସେ ପ୍ରତ୍ୟେକ ଶୁଭ କାର୍ଯ୍ୟରେ ଉଦଘାଟନ କରୁଛନ୍ତି । ରାମଭଦ୍ରାଚାର୍ଯ୍ୟ ସାକ୍ଷାତ ଶ୍ରୀରାମଙ୍କୁ ଦର୍ଶନ କରିଛନ୍ତି । ସେ କହିଛନ୍ତି, ପୁରା ଶ୍ୟାମଳ ରଙ୍ଗର ସ୍ମିତହାସ୍ୟ ଧାରଣ କରିଥିବା ସେଇ ସୁନ୍ଦର ମୂର୍ତ୍ତୀଙ୍କୁ ମୁଁ ଦର୍ଶନ କରିସାରିଛି. ମତେ ସେ ସାକ୍ଷାତ ଦର୍ଶନ ଦେଇଛନ୍ତି । ମୁଁ କେବେ ମୋ ନିଜକୁ ଦୃଷ୍ଟିହୀନ ବୋଲି ଭାବିନି । କାରଣ ମତେ ସବୁକିଛି ଦେଖାଯାଏ । ମୁଁ ମୋ ନିଜକୁ ବି ଦେଖିପାରେ ବୋଲି କହିଛନ୍ତି ରାମଭଦ୍ରାଚାର୍ଯ୍ୟ । ସେ ବାଗେଶ୍ବର ଧାମରେ ରହୁଥିବା ଧୀରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ଗୁରୁ ଅଟନ୍ତି ।