ଅର୍ଗସ ବ୍ୟୁରୋ: ନବରଙ୍ଗପୁର କୋଷାଗୁମୁଡା ବ୍ଲକ ହେଉଛି ଏକ ଉପାନ୍ତ ବ୍ଲକ, ଗାଁରେ ପହଞ୍ଚି ପାରୁନାହିଁ ବିଶୁଦ୍ଧ ପାନୀୟ ଜଳ । ଗାଁ ଲୋକେ ପିଇବା ପାଣି ପାଇଁ କେବଳ ନଳକୂପ ଉପରେ ନିର୍ଭର । ଏଭଳି ଗାଁ ଦୁଇଟି ହେଉଛି ଏମ .କେରାଗାଁ ପଞ୍ଚାୟତ ମୁଣ୍ଡାଗୁଡ଼ା ଓ ଆମଡିଗୁଡା । ପ୍ରାୟ ୩ ଶହ ପରିବାର ଏଠାରେ ବସବାସ କରନ୍ତି । ଆଉ ୮ ଶହରୁ ଉର୍ଦ୍ଧ ଲୋକଙ୍କ ପାଇଁ କେବଳ ୪ ଟି ନଳକୂପ ରହିଛି । ପୂର୍ବରୁ ଏଠାରେ ଏକ ସୋଲାର ପ୍ରକଳ୍ପ ନିର୍ମାଣ କରାଯାଇ ପାନୀୟ ଜଳର ବ୍ୟବସ୍ଥା କରାଯାଇଥିଲା । କିନ୍ତୁ ପ୍ରାୟ ୪ ବର୍ଷରୁ ଅଧିକ ସମୟ ହେଲା ଉକ୍ତ ପ୍ରକଳ୍ପ ବନ୍ଦ ରହିଛି । ପ୍ରକଳ୍ପରେ ଲାଗିଥିବା ଯନ୍ତ୍ରାଂଶ ଗୁଡ଼ିକ ସେଠାରେ ନାହିଁ । ଗ୍ରାମରେ ଥିବା ନଳକୂପରୁ ଗାଁ ଲୋକେ ବିଶୁଦ୍ଧ ଜଳ ପାଇପାରୁ ନାହାନ୍ତି ।

ସରକାର ବସୁଧା ଯୋଜନାରେ କୋଟି କୋଟି ଟଙ୍କା ଅନୁଦାନ ପ୍ରଦାନ କରୁଛନ୍ତି । କିନ୍ତୁ ଉପାନ୍ତ ଅଞ୍ଚଳରେ ବସୁଧା ଯୋଜନା କଣ ଲୋକେ ଜାଣି ନାହାନ୍ତି । ରାଜ୍ୟ ସରକାର ଗାଁ ଗୁଡ଼ିକର ବିକାଶ ପାଇଁ ଘୋଷଣା କରିଥିଲେ ମଧ୍ୟ ତାହା ବାସ୍ତବରେ ଗାଁକୁ ଯାଇ ଦେଖିଲେ ଅସଲ କଥା ଦେଖିବାକୁ ମିଳିଛି । ବର୍ତ୍ତମାନ ଦେଖିବାକୁ ବାକି ରହିଲା , ଏହି ଖବର ପ୍ରସାରଣ ପରେ ସ୍ଥାନୀୟ ବ୍ଲକ ପ୍ରଶାସନ ପକ୍ଷ ରୁ କଣ ପଦକ୍ଷେପ ଗ୍ରହଣ କରୁଛନ୍ତି ।

ଅଧିକ ପଢ଼ନ୍ତୁ ଓଡିଶା ଖବର:

Argus English | argus english | Odisha Latest News, Breaking News, Trending News, Live TV