EOW ପରେ EDର ତନାଘନା
ଭୁବନେଶ୍ୱର: ଗରିବଙ୍କୁ ମୋହରା କରାଯାଇ ସଂଗଠିତ ହେଉଛି କି ନୋଟ୍ ବଦଳ ସ୍କାମ୍ ? EOW ପରେ ଏବେ ED ପକ୍ଷରୁ ଚାଲିଛି ତନାଘନା । ଭୁବନେଶ୍ଵର RBI କାର୍ଯ୍ୟାଳୟ ଆଗରେ ED ଟିମର ତନାଘନା ଚାଲିଛି । ସେପଟେ ଅର୍ଗସ୍ କ୍ୟାମେରା ଆଗରେ ସତ ବଖାଣିଛନ୍ତି ନୋଟ୍ ବଦଳକାରୀ ।
EOW ଧାଡିରେ ଥିବା ଲୋକଙ୍କୁ ପଚରାଉଚରା କରୁଛି EOW ଟିମ୍
ମଜୁରୀ ନେଇ ଟଙ୍କା ବଦଳାଇବାକୁ ଆସୁଥିବା ସ୍ବୀକାର କରିଛନ୍ତି । କେହି ଜଣେ ରାତିରେ ସେମାନଙ୍କ ଘର ସାମ୍ନାରେ ଯାଇ ଦୁଇ ହଜାର ଟଙ୍କିଆ ଧରାଇ ଦେଇ ଆସୁଛି । ଆଉ ସକାଳେ ନୋଟ୍ ବଦଳାଇବାକୁ ଆସୁଛନ୍ତି ଏହି ଲୋକମାନେ । ନୋଟ୍ ବଦଳାଇ ସାରିବା ପରେ ସେମାନଙ୍କୁ ମଜୁରୀ ଦେଉଛନ୍ତି ଦଲାଲ୍ ।
📱 Get Argus News App
✨ଏକଥା ଅର୍ଗସ କ୍ୟାମେରା ଆଗରେ ସ୍ପଷ୍ଟ ଭାବେ ବଖାଣିଛନ୍ତି ନୋଟ୍ ବଦଳକାରୀ । ଅନ୍ୟ ପକ୍ଷରେ ରାଜଧାନୀରେ ଟଙ୍କା ବଦଳ ସ୍କାମର ଅଭିଯୋଗ ପରେ ଧରପଗଡ଼ ଆରମ୍ଭ କରିଛି EOW । ଗତକାଲି ଭୁବନେଶ୍ୱର RBI କାର୍ଯ୍ୟାଳୟ ଆଗରେ ୨ ହଜାର ନୋଟ୍ ବଦଳ ପାଇଁ ହଠାତ ଲୋକଙ୍କ ଲମ୍ବା ଲାଇନ୍ ପରେ ଏତେ ସବୁ ପ୍ରଶ୍ନ ସାମ୍ନାକୁ ଆସିଛି । ଯାହାର ତଦନ୍ତ ଆରମ୍ଭ କରିବାକୁ ପହଞ୍ଚିଛି EOW ଟିମ୍ ।
ଆହୁରି ପଢନ୍ତୁ ଓଡିଶା ଖବର...